 "Акфа медиа" олға сураётган лойихалардан бири Сирожиддин тўғрисини
айтганда бошида шунчаки бир лойихадек қабул қилинди. Албатта
шоу-бизнесни нафақат четдан балки ичидан кузатувчи сифатида билдираётган
фикрим бу.
"Сўра кўзгудан" таронаси тақдим қилингач, аксарият
одамларни, хусусан мени хам қўшиқдаги "Лабда бўёғинг мани қонимдан"
мисралари бир зумда эътиборни тортди.
Қўшиқни тинглагач эса "Яхши от
кейин чопар" қабилида ижодни бошлаганини сездим. Ахир бир хит тарона
билан порлаганларни хам кўпини кўряпмиз.
Сирожиддиннинг овози
чиройлик эканлигини бошида эътироф этиб ўтган бўлсак, бу қўшиқдан кейин
унинг фақат овози чиройлик эмас, балки махорат ва дилтортар тароналарга
уйғунлашишини хам ўзимизга очдик.
Хуллас, хонанда шифокоримизни
келажакда номи тилга олинганда тишлар нафақат зириллайди, балки
рақобатдан ғижирлаши хам мумкинлиги хозирданоқ сезилмоқда.
ЭРТАГА!
Бу йигит билан батафсил сухбат, юқорида тилга олинган хит қўшиқ ва унга олинган клип премьераси бизда!
Ўтказиб юборманг!
|
